វិធីធ្វើប្រហុកដុតក្រសាំងខ្ចប់ស្លឹករមៀត

Print

Directions

• ដំបូងត្រូវយកត្រីប្រហុកទៅលាងទឹកឲ្យស្អាត រួចសឹមយកមកចិញ្ច្រាំឲ្យម៉ដ្ឋល្អ។
• សាច់ជ្រូកបីជាន់ត្រូវចិញ្ច្រាំមុននឹងបន្ថែមក្រសាំង ខ្ទឹមស ខ្ទឹមក្រហម ចិញ្ច្រាំចូលគ្នា។
• ចំពោះស្លឹកគ្រៃ និងស្លឹកក្រូចសើចត្រូវបុកវាក្នុងត្បាល់ឲ្យម៉ដ្ឋសិន សឹមយកមកចិញ្ច្រាំជាមួយប្រហុក និងសាច់ជ្រូកបីជាន់ ដោយបន្ថែមម្ទេស ស្ករស អំបិល និងម្សៅស៊ុប។
• ប្រហុកដែលចិញ្ច្រាំរួចត្រូវខ្ចប់ស្លឹករមៀត ហើយរុំស្លឹកចេកមួយជាន់ទៀតដើម្បីឲ្យវាមានក្លិនឈ្ងុយ មុននឹងយកទៅដុតរយៈពេលប្រមាណ ២០ នាទីដោយប្រើកម្ដៅភ្លើងងំតិចៗ។
• បញ្ជាក់៖ ប្រហុកដុតនេះអាចញ៉ាំផ្ទាប់ជាមួយបន្លែអន្លក់ត្រសក់ការ៉ុត ត្រប់ស្រួយ ពពាយ ត្រប់វែង និងសណ្ដែកកួរ ឬបន្លែដទៃទៀតតាមចំណូលចិត្ត៕