វិធីឆាឡុកឡាក់សាច់គោផុយស្រួយ

Print

Directions

• ហាន់សាច់គោជាដុំតូចៗ
• លាងបន្លែអោយស្អាតរួចតំរៀបសាឡាដក្នុងចាន
• ប៉េងប៉ោះពុះជា២ ឬមិនបាច់ពុះរួចហាន់ជាបន្ទះៗដូចក្នុងរូបបន្ទាប់មកតំរៀបនៅលើសាឡាដ
• ហាន់ត្រសក់ជាចំណិតៗ(ទទឹង)តំរៀបនៅ ក្នុងឬក្រៅរង្វង់ប៉េងប៉ោះ
• ហាន់ខ្ទឹមបារាំងទទឹងស្តើងៗដូចតំរៀបនៅកណ្តាលរង្វង់ប៉េងប៉ោះនិងត្រសក់
• កាត់សណ្តែកបារាំងខ្លីៗរួចបំពង (ដាក់ប្រេងបន្តិចក្នុងខ្ទះរួចទុកអោយក្តៅ ចាក់សណ្តែកដែលហាន់រួចចូលឆាត្រលប់រួចគ្របមួយស្របក់ជាការស្រេច) បំពងរួចដួសដាក់លើខ្ទឹមបារាំង
• បំពងខ្ទឹមសរោយពីលើសណ្តែកបំពង។
• ឆាសាច់គោរួច ដួសដាក់លើសណ្តែកបំពង
• ***វិធីឆាសាច់គោ៖
• ដាក់ប្រេងឆាបន្តិចក្នុងខ្ទះរួចទុកឲ្យក្តៅ ចាក់សាច់ចូលដាក់ស្ករ អំបិល ម្រេច ប្រេងខ្យង(ដាក់រាងច្រើនបន្តិច) ឆាត្រឡប់បន្តិចរួចដួសចេញជាការស្រេច។ បើឆាយូរពេកនឹងធ្វើអោយសាច់គោឡើងស្វិត។
• ធ្វើទឹកម្រេចក្រូចឆ្មា ទុកញ៉ាំជាមួយជាការស្រេច។
• បើចូលចិត្តពងមាន់អាចចៀនរាងជ័រព្នៅដាក់ពីលើសាច់គោ។ បើចូលចិត្តទឹកម្ទេស ឬទឹកប៉េងប៉ោះ អាចលួចដាក់បន្តិចបន្តួចពេលឆាជាមួយសាច់គោក៏បាន។
• ទទួលទានជាមួយបាយសក្តៅៗ