របៀបធ្វើស្ងោរម្រះសាច់ជ្រូកចិញ្រ្ចាំលាយជាមួយមីសួរនឹងផ្សិតត្រចៀកកណ្តុរ

Print

Directions

• លាងសាច់ជ្រូក នឹងបន្លែផ្សេងៗអោយស្អាតល្អ រួចទុកអោយស្រស់ទឹកសិន
• ទើបយកសាច់ជ្រូកទៅចិញ្ច្រាំអោយម៉ត់
• ផ្សិតត្រចើកកណ្តុល ត្រាំអោយរីក លាងទឹកអោយស្អាតហើយហាន់ជាសសៃតូចៗល្អិត
• មីសួរ លាងទឹកអោយស្អាតហើយកាត់វាអោយខ្លីៗល្មម
• យកផ្សិតត្រចៀលកណ្តុរជាមួយមីសួរទៅច្របល់លាយគ្នានឹងសាច់ជ្រូកចិញ្រ្ចាំ
• ដាក់គ្រឿងចូលបន្តិចផងដើម្បីអោយសាច់មានជាតិហើយកាន់តែឆ្ងាញ់
• គ្រឿងមានដូចជា ខ្ទឹមសចិញ្ច្រាំ ម្រេចម៉ត់ ទឹកស៊ីអ៊ីវ ស្ករ អំបិល ម្សៅស៊ុប នឹងអំបិលបន្តិច
• ខូងយកគ្រាប់ម្រះចេញអោយស្អាត រួចញាត់សាច់ជ្រូកដែលយើងលាយរួចចូល ម្រះត្រូវកាត់វាអោយមានមុខទាំងសងខាង ដើម្បីកុំអោយសាច់របូតចេញមកក្រៅ
• ដាក់ដាំទឹកបន្តិចដើម្បីស្រុះឆ្អឹងស៊ុប (ធ្វើបែបនេះដើម្បីកុំអោយមានក្លិនឆ្អាប ហើយអស់ឈាម ទើបទឹកស៊ុបមិនសូវក្រហម) ត្រូវលាងទឹកម្តងទៀតផង បន្ទាប់ពីស្រុះរួច
• ដាំទឹកកន្លះឆ្នាំង ពេលទឹកពុះដាក់ឆ្អឹងស៊ុបជាមួយហេប៊ីយាហ៊ឺចូល ទើបដាក់ម្រះចូលតាមក្រោយ
• រំងាស់ម្រះអោយយូដើម្បីអោយបាត់ល្វីង ហើយត្រូវប្រើភ្លើងតិចៗល្មម
• យល់ល្អ រំងាស់ដោយប្រើភ្លើងចង្រ្កានធ្យូង ធ្វើអោយងុំឆ្ងាញ់ល្អ
• រំងាស់រហូតដល់ផុយល្មម តាមរសជាតិដែលបងប្អូនចូលចិត្ត បើចង់អោយអស់ល្វីងខ្លាំង យើងត្រូវថែមទឹកប្រហែល2-3ដង រំងាស់ដល់ផុយខ្លាំង នោះរសជាតិល្វីងក៏សាបបានច្រើន
• បន្ទាប់មកដាក់គ្រឿងផ្សំចូល មានដូចជា ស្ករ អំបិល ម្សៅស៊ុប ទឹកត្រី ឬប៊ីចេងតាមចំនូលចិត្ត
• ស្ករក៏ជួយបន្សាបជាតិល្វីងដែល ចឹងបើបងប្អូនមិនចូលចិត្តល្វីងទេគួរដាក់ស្ករអោយច្រើន ចឹងក៏ត្រូវថែមទឹកនឹងថែមគ្រឿងផ្សេងៗតាមនោះដែរ
• ចុងក្រោយដាក់ស្លឹកខ្ទឹមចូលជាការស្រេច