Join Our Telegram Channel
Print
Ingredients
ឆ្អឹងជំនីជ្រូក
សាច់ជ្រូក3ជាន់បន្កិច
ប្រហុកចិញ្រ្ចាំ
អង្ករលីង
បន្លែកកូរ
ស្លឹកបាស ស្លឹកម្រំ ឬស្លឹកម្រះ
ត្រប់ពុតលំញោង
គ្រឿងបុកកន្លះចានចង្កឹះ
ខ្ទិះដូង (មិនដាក់ក៏បាន)
អំបិល ស្ករ ម្សៅស៊ុប ទឹកត្រី
Directions
- បន្លែ និងសាច់ត្រូវលាងអោយស្អាតរួចទុកមួយឡែកសិន
- ដាក់ដាំឆ្នាំងអោយក្តៅរួចដាក់សាច់ជ្រូក3ជាន់ចូល ព្រោះខ្ញុំមិនប្រើប្រេងឆា (បើបងប្អូនប្រើប្រេងឆា យើងត្រូវដាក់សាច់3ជាន់ចូលក្រោយឆាគ្រឿងវិញ)
- ឆាសាច់3ជាន់អោយចេញខ្លាញ់បន្តិចទើបចាក់គ្រឿងបុកចូល (ក្នុងគ្រឿងកុំភ្លេចដាក់ខ្ទឹមសចូលផង) ឆាអោយឈ្ងុយហើយដាក់ប្រហុកចូលម្តង បន្តរកូរអោយសព្វហើយមានក្លិនឈ្ងុយ
- ដាក់ឆ្អឹងជំនីចូលម្តង បន្តកូរអោយឆ្អិនឆ្អឹងជំនី
- ខ្ញុំដាក់ត្រប់ពុតលំញោងលីងជាមួយឆ្អឹងជំនីអោយហើយ ដើម្បីកុំអោយវាល្វីងខ្លាំងពេក ទើបដាក់គ្រឿងផ្សំចូល មានដូចជា អំបិល ស្ករ ទឹកត្រី
- ភ្លក្សរសជាតិសាបប្រៃតាមចំនូលចិត្ត
- ដាក់ទឹកចូលតែបន្តិចទេ ដើម្បីបន្តរំងាស់អោយឆ្អឹងជំនីផុយល្អ
- ពេលឆ្អឹងជំនីផុយល្អហើយ យើងត្រូវដាក់បន្លែរឹងចូលមុន ចំណែកបន្លែស្លឹកទុកដាក់ក្រោយគេ
- បន្ទាប់មកដាក់អង្ករលីង កូរច្របល់ចូលគ្នាអោយសព្វ ទើបដាក់ទឹកចូលហើយគ្របវាទុកអោយពុះ
- ចុងក្រោយដាក់ខ្ទិះដូងចូលជាមួយនឹងបន្លែស្លឹក
- កុំភ្លេចភ្លក្សរសជាតិម្តងទៀតផង ក្រែងត្រូវបន្ថែមគ្រឿង
