របៀបធ្វើប្រហុកអាំងលើជ្រុញ

Print

Directions

• សាច់ជ្រូក ប្រហុក នឹងបន្លែផ្សេងៗត្រូវលាងទឹកអោយស្អាត
• ហាន់គល់ស្លឹកគ្រៃ ស្លឹកក្រូចសើច រំដេង អោយល្អិត
• ប្រើជ្រុញតូចក៏បានធំក៏បានអោយតែល្មមជាមួយប្រហុកដែលបងប្អូនចង់ធ្វើតិចឬច្រើន
• ចិញ្ច្រាំសាច់ជ្រូកអោយម៉ត់ រួចហើយចិញ្រ្ចាំប្រហុកម្តង(ប្រហុកដាក់តិចឬច្រើនតាមចំនូលចិត្ត) ពេលម៉ត់ហើយត្រូវដាក់គ្រឿងដែរហាន់រួចចូល បន្តចិញ្ច្រាំវាអោយម៉ត់ដូចគ្នា
• បន្ទាប់មកត្រូវដាក់ក្រសាំង ម្ទេស ខ្ទឹមស ខ្ទឹមក្រហមចូលម្តង ចិញ្រ្ចាំវាអោយម៉ត់ហើយសព្វសាច់ចូលគ្នា
• ចុងក្រោយដាក់គ្រឿងផ្សំចូល មានដូចជាស្ករត្នោតអោយច្រើនបន្តិច ម្សៅស៊ុបប្រហែលកន្លះស្លាបព្រាកាហ្វេ ទឹកត្រីប្រហែលមួយស្លាបព្រាកាហ្វេ (ដាក់ទឹកត្រីបន្តិចដើម្បីអោយឈ្ងុយ) ព្រោះប្រហុកប្រៃស្រាប់ហើយដូច្នេះយើងមិនចាំបាច់ប្រើអំបិលទេ
• ត្រូវចិញ្ច្រាំសាច់អោយសស្អិតជាប់ជាមួយជ្រុញព្រោះយើងត្រូវយកវាទៅអាំងទាំងជ្រុញ។ ចិញ្ច្រាំវាអោយពេញសព្វលើជ្រុញរួចយកទៅអាំង
• បើអាំងលើចង្រ្កានធ្យូងត្រូវចាំអោយភ្លើងឆេះសុះលែងមានផ្សែងសិន ហើយដាក់ភ្លើងតិចៗល្មមដើម្បីអោយឆ្អិនសព្វហើយមិនខ្លោច​។ ត្រូវដាក់អាំងផ្កាប់ប្រហុកចុះក្រោម ដាក់អាំងផ្កាប់លើចង្អើរអាំងត្រីក៏បាន
  (ជាធម្មតាមិនប្រើចង្អើរទេ)
• បើសិនជាអាំងក្នុងចង្រ្កានអគ្គីសនីវិញគឺកាន់តែងាយស្រួល ព្រោះមិនចាបាច់ដាក់ផ្កាប់ចុះក្រោម
  ប្រើភ្លើងប្រហែល 140-170 រយះពេល60នាទី
• ញ៉ាំផ្ទាប់ជាមួយអន្លក់ខ្ចីៗពិតជាឆ្ងាញ់ខ្លាំង