របៀបធ្វើបង្គាចំហុយមីសួរ

Join Our Telegram Channel

Ingredients

  • បង្គាស្រស់ ២០០ ក្រាម

  • មីសួរ ៥០ ក្រាម

  • ខ្ទឹមស ៥ ទៅ ៦ កម្ពឹស

  • ក្រូចឆ្មាមួយ ឬ ពីរចំណិត

  • ម្ទេសខ្ចី និងទុំ ២ ឬ ៣ ផ្លែ

  • ប្រេងសាឡាដ ៤ ស្លាបព្រាបាយ

  • ប៊ីចេង ១ ស្លាបព្រាកាហ្វេ

  • ស្លឹកជីវ៉ាន់ស៊ុយ

  • អំបិល ២ ស្លាបព្រាកាហ្វេ

  • ស្ករស ២ ស្លាបព្រាកាហ្វេ

  • ទឹកត្រី ៣ ស្លាបព្រាកាហ្វេ

Directions

  • ជាដំបូងអ្នកត្រូធ្វើទឹកសម្រាប់ជំនួយរសជាតិជាមុនសិន។ ចំណែកវិធីធ្វើនោះគឺអ្នកគួរតែប្រើប្រេងសាឡាដចំនួន ៤ ស្លាព្រាបាយ បន្ទាប់មកបន្ថែមអំបិលមួយស្លាព្រាកាហ្វេ ខ្ទឹមសចិញ្ច្រាំ ព្រមទាំងប៊ីចេងកន្លះស្លាព្រាកាហ្វេ។
  • ជាបន្ត បន្ថែមស្លឹកជីវ៉ាន់ស៊ុយដែលបានហាន់រួច ព្រមទាំងក្រូចឆ្មាមួយ ឬពីរចំណិតចូល បន្ទាប់មកកូរវាឲ្យចូលជាតិបានល្អភ្លក់មើលវារសជាតិរបស់វាគឺរាងភ្លែមៗបន្តិច។
  • មីសួត្រូរត្រាំទឹកឲ្យរាងទន់បន្ទិចបន្ទាប់មកកាត់វាឲ្យខ្លីៗ ប្រវែងមួយតឹក បន្ទាប់មកយកទៅក្រាលលើចានរាបមួយ។
  • បង្គាត្រូវពុះវាពីខ្នងមក ប៉ុន្តែមិនត្រូវឲ្យដាច់ពីគ្នានោះទេ បន្ទាប់មកលាងទឹកឲ្យស្អាត។
  • បន្ទាប់មកយកបង្គាទៅក្រាលពីលើមីសួ តែត្រូវលាយកសាច់កណ្តាលមកក្រៅមើលទៅឃើញធំដំណាក់កាលបន្តមកទៀតអ្នកគួរយកទឹកជំនួយរសជាតិមកស្រោច និងលាបពីលើបង្គាឲ្យសព្វបន្ទាប់មកយកទៅចំហុយរងចាំរយះពេល ៥ នាទីរហូតដល់បង្គាឡើងពណ៌រាងក្រហម។
  • របៀបធ្វើទឹកត្រីបុក
  • ដើម្បីធ្វើទឹកត្រីបុកជាដំបូង អ្នកត្រូវបុកម្ទេសឲ្យម៉ត់ជាមុនសិន។ បន្ទាប់មកទៀត ចិញ្ច្រាំខ្ទឹមសឲ្យម៉ត់ចំនួន ២ ទៅ ៣ កំពឹស។
  • ប្រើទឹកត្រីចំនួន ៣ ស្លាបព្រាបាយចាក់ចូលក្នុងកូនចានមួយ បន្ទាប់មកបន្ថែមម្ទេសទាំងខ្ទឹមចិញ្ច្រាំចូល។
  • បន្ទាប់មកបន្ថែមអំបិលមួយស្លាព្រាកាហ្វេ ស្ករស ២ ស្លាព្រាកាហ្វេ ប៊ីចេងកន្លះស្លាព្រាកាហ្វេចូល កូរឲ្យចូលជាតិគ្នាជាការស្រេច៕