Join Our Telegram Channel
Print
Ingredients
ងាវស្រស់ (1 គីឡូ)
ស្ករ (1 ស្លាបព្រាបាយ)
ម្ទេសហាន់ស្តើងៗ (ប្រហែល 1 ស្លាបព្រាបាយ)
ម្រះព្រៅ
ប្រេងឆា
អំបិល (2 ស្លាព្រាកាហ្វេ)
ម្សៅស៊ុប (2 ស្លាព្រាកាហ្វេ)
ទឹកត្រី (1 ស្លាបព្រាបាយ)
ទឹកអំពិលទុំ (2 ស្លាបព្រាបាយ)
ប្រេងខ្យង
ខ្ទឹមចិញ្ច្រាំ (1 ស្លាបព្រាបាយ)
Directions
- យកងាវមកត្រាំទឹកអង្កររឺត្រាំទឹកធម្មតាតែត្រូវដាក់ក្រូចឆ្មា ឬម្ទេសបុកប្រហែល 5 ឬ 6ផ្លែ (ដើម្បីសំអាតកុំអោយងាវមានដី) ទុកចោលប្រហែល30 នាទី បន្ទាប់មកលាងទឹកឲ្យស្អាត
- ដាក់ដាំទឹកមួយកូនឆ្នាំង ពេលទឹកពុះដាក់អំបិលមួយស្លាបព្រាកាហ្វេ រួចហើយចាក់ងាវចូល កូរងាវអោយសព្វប្រហែល 2 នាទី(បកងាវមួយមើលថាឆ្អិនល្មមរឺនៅ) ងាវស្រុះអោយឆ្អិនតែ40-50% បានហើយព្រោះយើងយកវាទៅឆាម្តងទៀត
- ពេលដែលងាវឆ្អិនល្មមបកបានហើយស្រង់វាចេញហើយយកទៅត្រាំទឹកត្រជាក់ដែលមានលាយទឹកកកប្រហែល 10-15 នាទី (ដើម្បីរក្សាសាច់ងាវ ហើយបង្កើនរសជាតិ) រួចបកសំបកវាចេញហើយទុកមួយឡែកសិន
- ហាន់ម្ទេសស្តើងៗហើយ បេះស្លឹកម្រះព្រៅរួចលាងទឹកអោយស្អាត
- លាយប្រេងឆាមួយស្លាព្រាកាហ្វេជាមួយអំបិល,ស្ករ,ម្សៅស៊ុប,ប្រេងខ្យង ទឹកត្រីព្រមទាំងទឹកអំពិលទុំក្នុងកូនចានមួយកូរឲ្យសព្វរួចភ្លក្សបន្តិចថារសជាតិល្មមរឺនៅ(រសជាតិវាផ្អែមប្រៃជូរដិតបន្តិចកាន់តែឆ្ងាញ់) រួចទុកមួយអន្លើ។
- ដាក់ខ្ទះអោយក្តៅរួចចាក់ប្រេងឆាចូលបន្ទាប់មកចាក់ខ្ទឹមចិញ្ច្រាំចូល លីងខ្ទឹមឲ្យឡើងឈ្ងុយ បន្ទាប់មកចាក់ទឹកម្ជូរដែលបានលាយទុកនោះចូល រួចឆាវាមួយត្រលប់ហើយចាក់ងាវដែរយើងបានបករួចចូលទៀត ឆាវាមួយត្រលប់ទៀត ភ្លក្សរសជាតិទៅតាមចំនូលចិត្ត ចុងក្រោយដាក់ស្លឹកម្រះព្រៅនឹងម្ទេសដែរហាន់រួចចូល
- មុខម្ហូបមួយមុខនេះរួចរាល់ហើយ ដួសដាក់ចានហើយញាំជុំគ្នាជាមួយក្រុមគ្រួសារ?
