Join Our Telegram Channel
Print
Ingredients
ម្សៅមីមួយកូនចាន
ស្ពៃបូកគោ 500ក្រាម
សាច់ជ្រូកចិញ្ច្រាំ 500ក្រាម
ខ្ញី 1កូនដុំ
ស្លឹកខ្ទឹម
ទឹកស៊ីអ៊ីវ 1 ស្លាបព្រាបាយ
ប្រេងល្ង 1 ស្លាបព្រាបាយ
អំបិល 1 ចុងស្លាបព្រាកាហ្វេ
ម្រេច 1 ស្លាបព្រាកាហ្វេ
ស្ករស បន្តិចប្រហែលកន្លះស្លាបព្រាបាយ
ម្សៅស៊ុបបន្តិច
ម្សៅសំរាប់ធ្វើគាវបន្តិច
Directions
- មុនដំបូងត្រូវលាយម្សៅមីជាមួយទឹក ត្រូវដាក់ទឹកលាយចូលម្សៅម្តងបន្តិចៗ កូរម្សៅបណ្តើរចាក់ទឹកបណ្តើរ
- ពេលម្សៅទន់ល្មមហើយត្រូវច្របាច់វាអោយរលាយម្សៅសព្វល្អ ហើយគ្រប់វាទុករយះពេលមួយម៉ោង
- ងាកមកលាយស្នូលនំម្តង សាច់ជ្រូកចិញ្ច្រាំត្រូវយកសាច់លាយខ្លាញ់ទើបឆ្ងាញ់ ឬដាក់សាច់សុទ្ធតាមចំនូលចិត្ត
- ស្ពៃបូកគោលាងទឹកអោយស្អាត ហើយយកតែផ្នែកខ្ចីៗរួចចិតចិញ្ច្រាំវាអោយល្អិត
- ចិញ្ច្រាំសាច់អោយម៉ត់ល្អ រួចដាក់ម្សៅស៊ុបបន្តិច ប្រេងល្ងបន្តិច ម្រេច ស្ករ ទឹកស៊ីអ៊ីវ ខ្ងីចិញ្ច្រាំអោយម៉ត់ ម្សៅសំរាប់ធ្វើគាវ (មិនដាក់ក៏បាន) ច្របល់ចូលគ្នាអោយសព្វទើបដាក់ស្ពៃបូកគោចូលហើយច្របល់វាអោយសព្វម្តងទៀត
- បន្ទាប់ពីគ្រប់1ម៉ោងហើយ យើងត្រូវយកម្សៅមកលុញវាម្តងទៀត ហើយកាត់វាកង់ៗទំហំធំជាងមេដៃ (លៃអោយល្មមសំរាប់ខ្ចប់គាវអោយជិត)កុំធំពេក កុំតូចពេក
- យកអង្រែសំរាប់ធ្វើនំ មកសង្កត់ម្សៅអោយស្តើង (ពេលសង្កត់កុំភ្លេចរោយម្សៅមីផងដើម្បីកុំអោយវាស្អិត)
- បន្ទាប់មកដាក់សាច់ជ្រូកចិញ្ច្រាំចូលចំកណ្តាលនំ ហើយខ្ចប់មាត់វាអោយជិតដូចក្នុងរូប
- ដាំទឹកកន្លះឆ្នាំងអោយពុះរួចបង់នំចូលម្តងមួយៗ កុំកូរទឹកខ្លាំងៗព្រោះវាធ្វើអោយបែកនំ
- ត្រូវយកវែកកូរតិចៗជុំវិញឆ្នាំង ពេលនំអណ្តែតបានន័យថាឆ្អិនហើយ
- យើងញាំវាជាមួយទឹកស៊ីអ៊ីវលាយប្រេងល្ងបន្តិចនឹងម្ទេស ខ្ទឹមសហាន់ជាបន្ទះៗឬចិញ្ច្រាំតាមចំនូលចិត្ត
- សំរាប់ទឹកស៊ីអ៊ីវត្រូវប្រើទឹកស៊ីអ៊ីវចិនទើបមានរសជាតិកាន់តែឆ្ងាញ់ (ទាំងលាយសាច់នឹងជ្រលក់)
- បើមិនចង់លាយម្សៅនាំពិបាក បងប្អូនអាចទិញសំបកគាវស្រាប់មកវេចក៏បាន
