របៀបធ្វើខាត់ណាទឹកភ្នែក

Print

Directions

• បកសម្បកដើមខាត់ណាចេញ រួចកាត់ជាចំណិតៗប្រវែង1ថ្នាំងដៃ
• ដាំទឹកហើយដាក់អំបិលបន្តិច ប្រេងអូលីវបន្តិច ឬប្រេងឆាក៏បាន ដើម្បីអោយបន្លែទន់ ហើយនៅស្រស់ល្អ
  
• ពេលទឹកពុះដាក់ដើមខាត់ណាចូលស្រុស10វិនាទីរួចស្រង់ដើមខាត់ណាចេញយកមកត្រាំក្នុងកាធុនទឹកត្រជាក់លាយទឹកកក ទុកមួយសន្ទុះស្រង់ចេញ ពូតទឹកចេញឲ្យអស់ រួចយកវាតម្រៀបលើចានពងក្រពើ
  
• យកសាច់គោហាន់ជាបន្ទះតូចៗស្តើងល្មម ទុកមួយឡែកសិន
• ដាំខ្ទះឲ្យក្តៅខ្លាំងដាក់ប្រេងឆា ខ្ទឹមសចិញ្ច្រាំ ម្ទេសឆ្អើរចិញ្ច្រាំ ប្រេងខ្យង ប្រេងល្ង ឆាឲ្យវាឈ្ងុយចូលគ្នា បិទភ្លើងភ្លាមចាក់សាច់គោចូល រួចក្រឡុកវាឲ្យចូលជាប់ជាតិឈ្ងុយ រួចយកវាទៅចាក់ពីលើចានខាត់ណា (ធ្វើឲ្យរហ័សដើម្បីកុំឲ្យសាច់គោឆ្អិនពេក ម្ហូបនេះសាច់គោនៅជាប់ឈាមតិចៗទើបពិសេស)
  
• យកទឹកត្រីកោះកុងស្រោចពីលើ
• ម្ហូបនេះត្រូវតែទទួលទានក្តៅៗទាំងហិលទាំងក្តៅផងទើបមិនបាត់បង់រសជាតិ ដូច្នេះហើយទើបគេហៅថា
  ខាត់ណាទឹកភ្នែក