Join Our Telegram Channel
Ingredients
កង្កែប 4ក្បាលធំៗល្មមកាប់ជាដុំៗល្មម
គល់ស្លឹកខ្ទឹម 5គល់ហាន់ល្អិតៗ
ខ្ទឹមស 5កំពឹស ដំឲ្យសំប៉ែត
ខ្ញី 5០ក្រាម ហាន់ជាសរសៃៗ
ម្ទេសហាន់បើចង់បានហឹរ (ដាក់ ឬមិនដាក់ក៏បាន)
ម្សៅឆាលាយជាមួយទឹក (លាយចូលគ្នាឲ្យខាប់ល្មម) 2ស្លាបព្រាបាយ
ទឹកស៊ីអ៊ីវខាប់ 1ស្លាបព្រាបាយ
ទឹកខ្មេះ ឬស្រាសម្រាប់ធ្វើម្ហូប 1ស្លាបព្រាបាយ
ម្សៅឆា 1ស្លាបព្រាបាយ
ប្រេងល្ង 1ស្លាបព្រាកាហ្វេ
ម្រេចម៉ត់ 1ស្លាបព្រាកាហ្វេ
ទឹកស៊ីអ៊ីវ ១ស្លាបព្រាបាយ
ទឹកខ្មេះ ឬស្រាសម្រាប់ធ្វើម្ហូប 1ស្លាបព្រាបាយ
ទឹកប្រេងខ្យង 1ស្លាបព្រាបាយ
ទឹកស៊ីអ៊ីវខាប់ 1ស្លាបព្រាកាហ្វេ
អំបិល 1ស្លាបព្រាកាហ្វេ
ម្សៅស៊ុប 1ស្លាបព្រាកាហ្វេ
ទឹក 1០០មីលីលីត្រ
ម្រេចម៉ត់ 1ស្លាបព្រាកាហ្វេ
ស្លឹកខ្ទឹម កាត់វែងៗល្មម
Directions
- លាងកង្កែបអោយស្អាតហើយកាត់ជាដុំធំៗល្មម
- យកកង្កែបលាយជាមួយគ្រឿងផ្សំ ទឹកស៊ីអ៊ីវខាប់ ទឹកខ្មេះ ឬស្រាសម្រាប់ធ្វើម្ហូប ប្រេងល្ង ម្រេចម៉ត់ និងម្សៅឆាច្របល់ចូលគ្នាឲ្យសព្វ រួចទុកមួយអន្លើប្រហែល 3០នាទី
- លាយគ្រឿងមួយទៀតចូលគ្នា មានដូចជា ទឹកស៊ីអ៊ីវ ទឹកខ្មេះ ឬស្រាសសម្រាប់ធ្វើម្ហូប ទឹកប្រេងខ្យង ទឹកស៊ីអ៊ីវខាប់ អំបិល ម្សៅស៊ុប ម្រេចម៉ត់ និងទឹកចូលកូរចូលគ្នាឲ្យសព្វ ទុកមួយអន្លើ
- ដាំខ្ទះដាក់ប្រេងឆាចូល ដាក់ខ្ទឹមស គល់ស្លឹកខ្ទឹម ខ្ញី និងម្ទេសហាន់រំលីងឲ្យឈ្ងុយ រួចដាក់កង្កែបដែលលាយគ្រឿងហើយចូលឆាច្របល់ចូលគ្នាឲ្យសព្វប្រហែល 5នាទី
- បន្ទាប់មកចាក់គ្រឿងផ្សំដែលលាយហើយនៅលេខរៀងទី3ចូល ទុករម្ងាស់ឲ្យពុះប្រហែល 5នាទីទៀត រួចដាក់ម្សៅឆាលាយជាមួយទឹកចូល(ដើម្បីឲ្យខាប់) ច្របល់ចូលគ្នារហូតឆ្អិនហើយខាប់ល្មម ហើយដាក់ស្លឹកខ្ទឹមចូលពីលើជាការស្រេច។
- ទទួលទានខកង្កែបជាមួយបបរសក្តៅៗ ថែមស្លឹកខ្ទឹមហាន់ និងខ្ញីហាន់ជាសរសៃៗចូលពីលើទៀតឆ្ងាញ់ណាស់